រដ្ឋបាលខេត្តបាត់ដំបង លែងកូនត្រីពូជចម្រុះ នឹងបង្កងជាង ៩ក្បាលចូលក្នុងអាងកំពីងពួយបង្កើនភោគផលមច្ឆជាតិឲ្យសម្បូរថែមទៀតនៅតំបន់នេះ

ខេត្តបាត់ដំបង÷

រដ្ឋបាលខេត្តបាត់ដំបងព្រលែងកូនត្រីពូជចម្រុះ រួម ជាមួយនឹងកូនសត្វបង្កងជាង ៩ម៉ឺនក្បាលចូលក្នុងអាងកំពុងពួយជាប្រភពទឹកដ៏សម្បូរត្រីធម្មជាតិបន្ថែមឲ្យតំបន់នេះកាន់តែសម្បូរបែបមច្ឆជាតិថែមទៀត។

នៅឯពិធីព្រលែងកូនមច្ឆាជាតិក្នុងទិវាមច្ឆជាតិ ១ កក្កដា ធ្វើនៅថ្ងៃទី ១៣ ខែតុលា ឆ្នាំ ២០២៥ ឯកឧត្តម សុខ កូន  អភិបាលខេត្តបាត់ដំបង បានលើកឡើងថា÷ ឆ្នាំនេះទិន្នផលត្រីនៅតំបន់បឹងទន្លេសាបមានការកើនឡើង ដោយសាររាជរដ្ឋាភិបាលបានផ្ដល់ការ

យកចិត្តទុកដាក់ខ្ពស់លើកិច្ចការពារធនធានធម្មជាតិតំបន់ជង្រុកត្រីមួយនេះ។ ជាមួយគ្នាការព្រលែងកូនត្រីពូជក្នុងតំបន់អាងស្តុកទឹកកំពីងពួយ ឋិតក្នុងស្រុកបាណន់ ជាអាងដែលសម្បូរពូជត្រីច្រើនប្រភេទ និងមានមេពូជធំៗពេលនេះគឺក្នុងគោលបំណងអភិរក្សតំបន់ដែនទឹកមួយនេះឲ្យកាន់តែសម្បូរភោគផលធនធានមច្ឆជាតិបន្ថែមទៀត។

ជាមួយគ្នាឯកឧត្តម សុខ លូ ក៏បានក្រើនរម្លឹកដល់រដ្ឋបាលក្រុង ស្រុក មន្រ្តីជំនាញ និងកងកម្លាំងក្នុងមូលដ្ឋាននីមួយៗ ពិសេសតំបន់អាងកំពីងពួយនេះត្រូវយកចិត្តទុកដាក់ ពង្រឹងការបង្រ្កាបបទល្មើសនេសាទនានាឱ្យមានប្រសិទ្ធភាពខ្ពស់សំដៅការពារមច្ឆជាតិ មច្ឆាជាតិពូជជិតផុតពូជឱ្យបានគង់វង្សសម្រាប់ជាប្រយោជន៍ដល់អ្នកជំនាន់ក្រោយបានស្គាល់ ចូលរួមថែរក្សាបន្តពីយើង។

លោក ឈឹម វជិរា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង បានឱ្យដឹងក្នុងពិធីខាងលើថា÷ មច្ឆជាតិដែលបាននាំយកមកព្រលែងនេះកូនត្រី កូនបង្កង និងកូនអន្ទង់មានចំនួនជាង ៩ម៉ឺនក្បាលក្នុងនោះរួមមាន: កូនបង្កងចំនួន ៥ម៉ឺនក្បាល, ត្រីប្រា ៣ពាន់ក្បាល, ត្រីឆ្ពិន ២ម៉ឺនក្បាល, ត្រីព្រលូង ១ម៉ឺនក្បាល, ត្រីក្រាញ់ ៤ពាន់ក្បាល ,ត្រីអណ្តែងទន់ ៥ពាន់ក្បាល កូនអន្ទង់ និងកូនអណ្តើកមួយចំនួនទៀត ជំរុញធ្វើឱ្យបឹងនេះសម្បូរទៅដោយមច្ឆជាតិឡើងវិញបម្រើដល់សេចក្តីត្រូវការហូបចុករបស់ប្រជាពលរដ្ឋនៅតំបន់នេះ៕

អត្ថបទ: ចៅលោកតាដំបងក្រញូង